INFOMAX.MK

Холандскиот министер за одбрана Рубен Брекелманс изјави дека НАТО мора да развие поефикасен начин за соборување беспилотни летала отколку користењето на борбени авиони Ф-35, повикувајќи се на искуството од неодамнешните напади со беспилотни летала над Полска, пренесува Политико.

Брекелманс им рече на новинарите пред состанокот со министрите за одбрана на НАТО во Брисел дека Холандија планира да издвои 90 милиони евра за набавка на беспилотни летала наменети за Украина и ги повика другите земји-членки да го зголемат својот придонес во пакетот воена опрема и муниција за Украина, познат како Листа на приоритетни барања,, наведува Политико.

Тој истакна дека координацијата во рамките на НАТО е клучна за зајакнување на одбраната и поддршка на Украина.

Тој исто така нагласи дека Холандија ги поддржува напорите на НАТО за обединување на моментално различните регулативи и правила за ангажман на сојузниците за мисиите на источното крило.