Русија и Виетнам ќе користат криптовалути за меѓусебно плаќање

Виетнам и Русија во моментов бараат нови начини за меѓусебно плаќање, изјави виетнамскиот премиер Фам Мин Чин за време на состанокот со рускиот вицепремиер Алексеј Оверчук, пренесува „Прајм“.

Според него, Ханој сега користи криптовалути за плаќања со Москва. Оверчук рече дека двете земји работат на имплементација на идејата за воспоставување железничка врска преку Кина и Монголија.

Дополнително, тој посочи на континуираната соработка меѓу Русија и Виетнам во енергетскиот сектор, како во областа на фосилните горива, така и во областа на нуклеарната енергија. Алексеј Оверчук ја предводеше руската делегација која пристигна во Малезија во неделата за да учествува на 20-от самит на Источна Азија и други настани на Асоцијацијата на земјите од Југоисточна Азија (АСЕАН).

Share on Facebook

Tweet

Follow us

Save