МВР на Србија ќе аплицира за отворање на Регионално биро на Интерпол за ЈИЕ со седиште во Белград

Србија ќе аплицира за отворање Регионалното биро на Интерпол за Југоисточна Европа со седиште во Белград, соопшти денеска српското Министерство за внатрешни работи.
„Заинтересирани сме Регионалното биро за Југоисточна Европа да биде во Белград и официјално ќе аплицираме“, рече Дачиќ, кој ја предводеше српската делегација на 93-та седница на Генералното собрание на Интерпол во Маракеш.

Тој додаде дека разговарал за тоа со претседателот на Интерпол во заминување, Ахмед Ал-Раиси, и генералниот секретар на Интерпол, Валдеси Уркиз.Според министерот, под водство на претседателот на Интерпол во заминување, Ахмед Ал-Раиси, Интерпол успеал да ги врати своите оригинални принципи, да биде организација на сите свои членки.

Дачиќ изјави дека очекува Уркиз да го посети Белград во следните неколку месеци и дека тоа ќе биде можност за понатамошни разговори за Регионалното биро во Белград.

Министерот рече дека му го доделил на Ал-Раиси највисокото признание што може да го додели МВР на Србија, а тоа е ѕвездата „Јаков Ненадовиќ“.

Share on Facebook

Tweet

Follow us

Save