Со месеци го злоставувала сопругот – го држела во кафез за кучиња, го тепала и не му давала храна

И се суди на Белгијката Ана В. (47) која е под обвинение за тортура и злоупотреба на сопствениот сопруг.

Според обвинението, Ана В. постојано го тепала својот сопруг со разни предмети во период од неколку месеци, го заклучувала и му ускратувала храна и основна грижа.

На суд е утврдено дека мажот бил лишен од слобода неколкупати – заклучен во градинарска куќа, подрум и кафез за кучиња.

Таа систематски го принудувала мажот да го чисти изметот на околу 60 чивави што биле на нејзиниот имот.

За да воспостави целосна контрола врз својот сопруг, Белгијката поставила и камери за надзор. Според обвинението, случајот претставува „ропство“.

Во март 2025 година, мажот успеал да избега од кафезот за кучиња. Бос, неухранет и сериозно повреден, тој затропал на вратата на соседот и побарал помош.

Кога пристигнале службите, жената се обидела да ја намали сериозноста на случајот, тврдејќи дека нејзиниот сопруг бил само депресивен. Но, ситуацијата се променила кога се обидела да ја убеди жртвата да молчи во амбулантното возило. Потоа медицинските лица реагирале, а полицијата ја уапсила.

Само две недели пред бегството, обвинетата, според обвинителите, го потурила со врела вода по смртта на две кучиња.

За време на истрагата, пронајдени се и снимки на кои обвинетата самата го снимала злоставувањето.

Адвокатот на жртвата истакнал дека неговата клиентка преживеала систематска тортура и побарал привремена отштета од 10.000 евра.

Обвинетата признала дел од своите постапки, но, според обвинителството, таа се обидува да ја минимизира сопствената одговорност. Нејзиниот адвокат тврди дека таа е „сосема друга личност“ која сега прима психолошка помош.

Пресудата сè уште се чека, а обвинителството бара затворска казна од 8 години.

Share on Facebook

Tweet

Follow us

Save