Пакистан изврши воздушни напади во Авганистан, има десетици убиени и повредени

Пакистан рано утрово започна воздушни напади во Авганистан, таргетирајќи „кампови и скривалишта“ на вооружени групи кои стојат зад низа неодамнешни напади, вклучувајќи го и смртоносниот самоубиствен напад врз шиитска џамија во Исламабад, објави Ал Џезира.

Авганистанското Министерство за одбрана ги осуди нападите, велејќи дека тие „погодиле религиозно училиште и станбени куќи“ во пограничните провинции Нангархар и Пактика, „што резултирало со десетици смртни случаи и повредени, вклучувајќи жени и деца“.

Авганистански извори изјавија за Ал Џезира дека најмалку 17 лица се убиени во Нангархар.

Нападите го загрозуваат кревкото примирје меѓу јужноазиските соседи, кое беше договорено по смртоносните гранични судири минатиот октомври во кои загинаа десетици војници, цивили и осомничени милитанти.

Share on Facebook

Tweet

Follow us

Save