Мицкоски обвинува за „глодари“ и „талог на општеството“ по наводите за шпионажа во Кабинетот кај Сиљановска

За наводите за шпионажа во Кабинетот на претседателката Гордана Сиљановска-Давкова, премиерот Христијан Мицкоски повторно обвинува за „глодари“ и „талог на општеството“.

-Тоа е шпионски талог на општеството и структури од минатото кои што се наоѓале во кабинетите како глодари на некои поранешни политичари, претседатели, премиери…Тие се претставуваат како група на вработени и испраќаат анонимни дописи до обвинителства. Се разбира дека таму е Ислам Абази веднаш да истрча и да создаде паника во јавноста дека нешто се случувало. Не би ги коментирал овие глодари бидејќи мислам дека треба да ги заборавиме, кажа Мицкоски при поставување на камен темелник на доградба на ООУ „Јоаким Крчовски“ во Ѓорче Петров.

Share on Facebook

Tweet

Follow us

Save