Потпретседателката на Аргентина: Денеска играме против агресори и пирати, против Англија секогаш има нешто повеќе од само фудбал

Англија и Аргентина ќе се сретнат во полуфиналето на Светското првенство вечерва од 21 часот. Ова е жесток дуел помеѓу две земји кои не се сакаат, најмногу поради војната на Фолкландските Острови во 1982 година. Непријателството помеѓу Аргентинците и Англичаните е отворено нагласено во нивните медиуми, а потпретседателката на Аргентина, Викторија Виљаруел, се јави со поддршка „без ракавици“ за својот тим.

„Денес играме против узурпирачки пирати. Ова не е било каква игра. Нема да бидам политички коректна или ладнокрвна. Против Англија секогаш има нешто повеќе од само фудбал. Мора да ги запреме агресорите. Ајде, Аргентина! Ќе се бориме за она што е наше до последниот здив“, напиша таа.

Овие две земји водеа војна во 1982 година за Фолкландските Острови, кои се наоѓаат источно од аргентинскиот брег во Атлантскиот Океан. Англичаните ја добија таа војна. 649 аргентински војници и 255 британски војници беа убиени. Аргентинците веруваат дека имаат право на Фолкландските Острови, и тука се разликува нивното размислување од она на Англичаните, благо речено. Според референдумот од 2013 година, жителите на Фолкландските Острови сакаат да останат под Велика Британија, 99,8 проценти од нив гласале за таа опција.

Share on Facebook

Tweet

Follow us

Save