Момче од Србија е уапсено во Солун за кражба на над 50.000 евра во криптовалути

Србин на возраст од 23 години кој беше уапсен во Солун поради меѓународна потерница издадена под сомнение за учество во грабеж, се согласи да биде екстрадиран во Србија и таму да му се суди, објавија грчки медиуми.

Вчера, тој беше донесен во обвинителството во Солун за постапка по црвената потерница на Интерпол, каде што изјави дека се согласува со барањето на Србија за негова екстрадиција и судење во таа земја.

Според документите врз основа на кои е издадена потерницата, кривичното дело за кое е обвинет наводно го сторил заедно со уште неколкумина во текот на 2025 година во Белград. Случајот се однесува на криптовалути во вредност од над 50.000 евра.

23-годишен маж беше уапсен во четврток попладне во ресторан во близина на Новиот брег во Солун, по полициска операција.

Share on Facebook

Tweet

Follow us

Save