Украдени над 100 парчиња огнено оружје од магацин во Косово, полицијата истражува

Повеќе од 100 парчиња огнено оружје биле украдени од магацин за оружје во Ѓаковица, соопшти Косовската полиција.

Како што се наведува во полициското соопштение, покрената е истрага за случајот, кој е квалификуван како „тешка кражба“.

Кражбата била пријавена во полиција во петокот попладне, а случајот го пријавиле двајца мажи, се наведува во полицискиот извештај.

Засега не е познато кој е сопственик на магацинот, ниту за каков вид огнено оружје станува збор.

Полицијата соопшти дека истрагата е во тек.

Share on Facebook

Tweet

Follow us

Save