INFOMAX.MK

На денешното судско рочиште, градежните експерти ги оспорија наодите на вештакот на одбраната, кој, според кажаното на рочиштето, самиот признал дека нема стручни познавања од противпожарна заштита, а притоа занемарил сериозни неправилности во конструкцијата, доградбите, евакуациските излези и заклучените врати.

Првообвинетиот Дејан Јованов – Деко, кој 13 години го водел објектот со бројни неправилности и сомнежи за корупција, денес преку спорно вештачење повторно се обидува да ја релативизира одговорноста!

И додека обвинителството реагира на доставувањето на списокот со сведоци на самото рочиште, се поставува прашањето: зошто судот дозволува постапување што отвора сомнеж за привилегиран третман на првообвинетиот?

Зарем 13 години толерирани неправилности не беа доволни? Зарем и по 63 згаснати животи ќе продолжиме со истите практики на оправдување и избегнување одговорност?

Ние ја плативме цената со крвта на нашите најмили! Нема да дозволиме нивната смрт да биде погребана под невистини, спорни вештачења и нови неправди!

Нашата борба е ниту еден родител повеќе да не ја почувствува нашата болка.

63 ЖИВОТИ НЕ СЕ ПРЕДМЕТ ЗА НАДМУДРУВАЊЕ!

ДОСТА БЕШЕ КОРУПЦИЈА, ПРИВИЛЕГИИ И НЕОДГОВОРНОСТ!