Aко барате работа пријавете се: „Бехтел и Енка“ организираат Саем за вработување, можност да се разгледаат понудите на овој конзорциум, пишува Груби

Конзорциумот „Бехтел и Енка“ кој ги гради Коридорите 8 и 10д утре во Агенцијата за вработување во Гостивар организира „Саем за вработување“.

Оваа информација ја соопшти заменикот на претседателот на Владата и министер за политички систем и односи меѓу заедниците, Артан Груби.

Груби на неговиот Фејсбук профил напиша дека сите заинтересирани за работа ќе имаат можност да се запознаат со понудите на овој конзорциум при изградбата на автопатските делници на Коридорите во следните пет години.

Градиме за новите генерации, модерна инфраструктура која го поврзува регионот со Европа и ја развива економијата на нашата земјата. Со задоволство ве информирам дека конзорциумот „Бехтел и Енка“ кој ги гради Коридорот 8 и 10д оваа недела го организира „Саемот за вработување“. Сите заинтересирани за работа ќе имаат можност да се запознаат со можностите што ги нуди овој конзорциум при изградбата на автопатските делници на Коридорите во следните пет години, пишува на Фејсбук профилот на Груби.

Share on Facebook

Tweet

Follow us

Save