Aпсење како на филм: Уапсен дилер на кокаин на наплатната станица Сопот
На 17.06.2022 на наплатната станица Сопот на автопатот „Пријателство“, полициски службеници од Одделот за криминалистичка полиција при МВР – Сектор за недозволена трговија со дрога, оружје и опасни материи во содејство со СВР Велес – Одделение за недозволена трговија со дрога го лишиле од слобода Д.Г.(19) од Кавадарци.
По претходно добиена судска наредба, било запрено возилото „фолксваген поло“ со кавадаречки регистарски ознаки, кое го управувал и при личен претрес кај него биле пронајдени и одземени околу 100 грама кокаин и пари.
Исто така, при претрес во неговиот дом во Кавадарци, извршен со судска наредба, биле пронајдени пари во различни апоени и валути за кои постои сомнение дека потекнуваат од кривичното дело. Тој бил приведен во полициска станица и по целосно документирање на случајот против него ќе биде поднесена пријава по член 215 од Кривичниот законик.
ПОВРЗАНИ ВЕСТИ
Скопјанец нападнат во казино
Денеска (07.04.2024) во 04:20 часот на подрачјето…
Ковачевски: Силно го осудувам апсењето на новинарот…
Лидерот на СДСМ, Димитар Ковачевски, го осуди…
Апасиев: Апсењето на Фуркан е показна вежба…
И лидерот на Левица, Димитар Апасиев реагира…
Се огласи Фуркан Салиу: Не сум нападнал…
Здраво, јас сум Фуркан Салиу. Од објективни…
Ослободени снимателот и монтажерот на ПоралиХ, Фуркан…
Полицијата пред неколку минути ги ослободи снимателот…