Toшковски ги излажа граѓаните: Вети дека возачките ќе важат и после 12-ти февруари, а сега МВР најави дека ќе фрштат казни за Северна!

Министерот за внатрешни работи, кадар на Христијан Мицкоски, Панче Тошковски ги излажа граѓаните дека возачките без Северна ќе важат и после 12 февруари, денес МВР им соопшти на граѓаните дека ќе добијат казни доколку немаат возачки со новото име.

-Панче Тошковски пред 3 дена објавил дека важат возачките, за денес МВР да пушти соопштение дека не важат, пишува на Фејсбук генералниот секретар на Левица, Јована Мојсовска.

Панче Тошковски пред 3 дена објавил дека важат возачките, за денес МВР да пушти соопштение дека не важат?! https://t.co/Khjw97BwCa pic.twitter.com/bzv3QSCkqt

— Мојсоска (@Mojsoskata) February 11, 2024

Околу возачките дозволи, ги известуваме граѓаните дека од 00 часот на 13 февруари 2024 година ќе важат само возачките дозволи со името Република Северна Македонија, информираа денес од Министерството за внатрешни работи.

Министерството за внатрешни работи ќе постапува согласно закон и затоа апелираме граѓаните да не управуваат возило доколку немаат валидна возачка дозвола со името Република Северна Македонија.

Предупредуваме и дека во случај на настаната штета при евентуална сообраќајна несреќа, поради невалидната возачка дозвола, граѓаните кои немаат валидна возачка дозвола ќе мора да ги сносат последиците околу евентуалната штета.

Согласно законот, парична казна предвидува дека за истечената возачка дозвола до 6 месеци изнесува од 6 до 20 илјади денари, а за подолго од тој период, од 15 до 30.000 денари.

Share on Facebook

Tweet

Follow us

Save