Петрова и Муцунски во четврток ќе се сретнат во Софија

Министрите за надворешни работи на Македонија и Бугарија, Тимчо Муцунски и Велислава Петрова-Чамова, во четврток ќе имаат можност да одржат билатерална средба во Софија.

Како што објавуваат бугарските медиуми, на 8 октомври бугарската престолнина ќе биде домаќин на меѓународна министерска конференција посветена на Коридорот 8.

Домаќин на форумот ќе биде бугарската министерка за надворешни работи Петрова-Чамова, а на конференцијата ќе учествува и нејзиниот македонски колега Тимчо Муцунски.

Во рамки на конференцијата е предвидена и билатерална средба меѓу двајцата министри, како дел од тековниот дијалог меѓу Македонија и Бугарија.

Премиерот Христијан Мицкоски денеска изјави дека Македонија испратила нота до Софија со барање за билатерална средба, но дека досега не е добиен официјален одговор од бугарска страна.

Темата за директен дијалог меѓу двете земји повторно се актуализираше и по посетата на претседателката на Европската комисија, Урсула фон дер Лајен, на Скопје, кога таа повика на средба на високо ниво меѓу Македонија и Бугарија.

Share on Facebook

Tweet

Follow us

Save