INFOMAX.MK

Опозицијата прави хистерија околу Алта банка, вели премиерот Мицкоски во одговор на новинарско прашање на заедничката прес-конференција со евроамбасадорот Михалис Рокас.

– „Нашата опозиција ќе продолжи да создава паника, хистерија, немир, случај „Алта банка“ има во Србија, кај нас тоа не постои и нема ситуација како со Еуростандард банка која сегашната опозиција, нивната министерка ја банкротираше и пред да банкротира извади 250.000 евра“ – вели Мицкоски.

Според премеирот, опозицијата воопшто не се грижи за штедачите и корисниците на услуги во Алта банка, туку се обидуваат да добијат политички поени, бидејќи без ваков скандал не можат.

Едната опција е банката да биде купена, второто сценарио е да влезе во стечај, рече Мицкоски но порача штедачите да не подлегнуваат на лагите и хистеријата, затоа што 95% од штедачите се со штедни влогови до 30.000 евра кои ќе бидат обесштетени до денар, а останатите да бидат спокојни бидејќи банката има доволно голема актива за во таков случај да биде се надоместено.

Редно е и ОЈО да се позанимава со опозицијата која прави саботажа, рече Мицкоски.