(Видео) Санкционирани возачите што се движеа со автомобили по пешачката патека на кејот на Вардар

Полицијата ги идентификувала и ќе ги санкционира двајцата возачи кои со автомобили се движеле по пешачката патека во близина на кејот на Вардар во Скопје.

Случајот стана познат по видео објавено во медиумите на 8 октомври, на кое се гледаат две патнички возила како се движат по површина што не е наменета за автомобили.

Од СВР Скопје утврдиле дека „туран“ со скопски регистарски ознаки го управувал Б.Ќ. (45) од Скопје, додека „мерцедес“, исто така со скопски таблички, го управувал Ј.А. (42) од Скопје.

Против двајцата возачи ќе бидат преземени мерки согласно Законот за безбедност на сообраќајот на патиштата, информираат од полицијата.

Share on Facebook

Tweet

Follow us

Save