INFOMAX.MK

Силен град и дожд го поплавија грчкиот остров Санторини. Тесните улици се претворени во реки, аеродромот е критичен, а мештаните велат дека со децении не виделе толку многу снег на Кикладите.

Времето во Грција е невообичаено лошо оваа зима, а видеата и фотографиите од Санторини објавени на социјалните мрежи покажуваат дебел слој од градот на улиците на островот. Имаше и невообичаено ниски температури.

Rain and hail inundate streets of Santorini https://t.co/mGTpxjp58Q pic.twitter.com/S8GqCy3t7M

— Kathimerini English Edition (@ekathimerini) February 3, 2022

Во селата тесните улички се претворени во реки, додека состојбата е отежната на местата во близина на аеродромот. Мештаните велат дека последен пат вакво количество снег паднало на Кикладите пред неколку децении.
Санторини и Кикладите исто така се погодени од бурни ветрови
Бродовите во пристаништето Пиреја кои пловат кон островите Киклади во четвртокот останаа во пристаништето поради силните ветрови кои достигнаа јачина до 9 степени бофор.

Сирос, Наксос, Тинос, Андрос, Миконос, Санторини и други кикладски острови беа покриени со бел снег додека бурата Елпис ја погоди Грција, вклучувајќи го и копното. Обилните снежни врнежи предизвикаа многу проблеми на островите на кои им недостасува инфраструктура за справување со вакви временски непогоди.