Во престрелка меѓу граничарите на Киргистан и Таџикистан има повредени на двете страни!

Во престрелка меѓу граничарите на Киргистан и Таџикистан има повредени на двете страни, соопштија киргистанските власти.

„Пукањето заврши во 14:15 часот на 3 јуни 2022 година, со ранети од двете страни“, соопшти киргистанскиот Национален совет за безбедност. „Игнорирајќи ги законските барања за напуштање на територијата на Киргистанската Република, таџикистанските граничари отворија оган врз киргистанскиот воен персонал“, се вели во соопштението, додавајќи дека „таџикистанската страна употребила гранати“.

Таџикистан се уште не го коментирал инцидентот. Двете земји редовно се судираат во пограничната област поради снабдувањето со вода и за територија, во што често се вклучени граничари. Спорна е речиси половина од 970 километри од границата меѓу двете земји, а напредокот во разграничувањето е бавен.

Пукања веќе се случија во март и април. Минатата година избувнаа големи судири во кои загинаа повеќе од 50 луѓе.

Share on Facebook

Tweet

Follow us

Save