Меѓународен ден на мајчиниот јазик: Прочитајте неколку факти за македонскиот јазик

t

Денес се одбележува меѓународниот ден на мајчиниот јазик.

По тој повод би сакале да објавиме неколку факти за македонскиот јазик, неговата историја, потекло, карактеристики и дијалекти.

1- Македонскиот јазик потекнува од семејството на индоевропските јазици, а е дел од групата словенски јазици, поточно квалификуван како јужнословенски јазик.

2 – Македонскиот е службен и национален јазик во Македонија , а воедно е и официјално признат како регионален службен јазик во Горица и Пустец во Албанија, каде што живее бројно Македонско население, но и во Србија како официјален во општините Јабука и Пландиште.

Македонски се зборува и во Австралија, Бугарија, Турција, Грција, во некои земји−членки на ЕУ и останатата македонска дијаспора.

Вкупниот број на македонски говорници е тешко да се утврди поради несоодветни пописи, но бројката се движи од околу 2,5 до 3 милиони луѓе.

Според ценетиот јазичарички извор Etnologue, македонски се зборува и во југозападниот дел на Бугарија и северна Грцја но нема податоци за бројот на луѓето.

3- Во пописните инструкции од 1920  година, македонскиот јазик е додаден на листата со странски јазици како посебен јазик во САД.

4 – Кодификацијата на македонскиот јазик е поврзана со следниве историски настани:

  • со решението на првото заседание на АСНОМ на 2 август 1944 година за воведување на македонскиот како службен јазик во македонската држава
  • со официјалното усвојување на македонската азбука на 5 мај 1945 година
  • со официјалното усвојување на македонскиот правопис на 7 јуни 1945 година

5 –  Македонскиот јазик брои околу 27 дијалекти поделени во три главни групи, источна и западна група.

6 – Карактеристика на македонскиот јазик е акцентот кој е третосложен со определени исклучоци.

7- Прво дело објавено на македонски јазик е  „Слово исказаное заради умирание“, печатена 1814 г. во Будим и се претпоставува дека е дело на Јоаким Крчоски. Тоа е првата книшка на народен македонски јазик, составена од проповеди наменети за воспитување во христијански дух.

8 – За прв македонски роман се смета делото на Славко Јаневски “Село зад седумте јасени ” објавен во 1952 година.

9- Институтот за македонски јазик „Крсте Мисирков” има објавено дело “Вистина и факти за македонскиот јазик” како реакција на бугарските провокации и негирањето на постоењето на македонскиот јазик.

Реакцијата може да ја прочитате на следниот линк http://imj.ukim.edu.mk/CMS/Upload/%D0%A0%D0%B5%D0%B0%D0%BA%D1%86%D0%B8%D1%98%D0%B0%20%D0%B7%D0%B0%20%D0%91%D0%90%D0%9D%20%D1%81%D0%BE%20%D0%BC%D0%B5%D0%BC%D0%BE%D1%80%D0%B0%D0%BD%D0%B4%D1%83%D0%BC-12.5.20.pdf

ПОВРЗАНИ ВЕСТИ

Изгубено 3-годишно девојче во Неа Флогита, се…

Во познатото туристичко место Неа Флогита, Грција…

(Видео) Претседателката ќе чека новата влада да…

Сиљановска ќе почека да се формира новата…

ДУИ му помогна на Мицкоски за двотретинско…

Со 88 гласа “за” пред 3 часот…

Американската амбасада ќе ги подобрува односите помеѓу…

Аташето за култура и образовани на САД…

Обвинителството ја проверува и отфрлената претставка за…

Меѓу списите кои ги проверува обвинителството во…