Османи: Обезбедуваме заштита, поддршка и промоција на јазичните и културни вредности на Македонците во Албанија

Македонија обезбедува поддршка за заштита и промоција на јазични и културни особености на македонската заедница во Албанија, преку конкретни проекти и соработка, вели мнистерот за надворешни работи, Бујар Османи, на негвиот Фејсбук профил во врска со денешната посета на Македонците во месноста Голо Брдо во Албанија.

-Потребни се дополнителни заеднички напори со Албанија за промена на режимот на работа на граничниот премин Џепиште-Требиште со што би се подобрила економската и трговска соработка во овој крај, како и слободата на движење на локалното население од двете страни на границата. Ова прашање беше покренато како едно од клучните прашања од интерес на македонското население во областа Голо Брдо, стои во објавата.

Османи во својата објава воедно изрази и благодарност за одличната соработка со албанските институции, ѝ нивната поддршка за македонското национално малцинство во Албанија.

(Фото) МИА

Share on Facebook

Tweet

Follow us

Save