Агелер го пофали Мицкоски на енергетскиот форум
Амбасадорката на САД во Македонија, Ангела Агелер, во обраќањето на седмиот Македонски енергетски форум, порача дека енергетската сигурност и зелената енергија се два суштински приоритета што треба да ги надминат партиските политики. Таа нагласи дека енергетската сигурност и зелената енергија како приоритети се од витално значење и за земјата и за регионот.
Агелер смета дека земјава ја чекаат многу предизвици и покај тоа што во голема мера закрепнала од неодржливата енергетска околина во минатото.
Безбедна енергетска иднина изискува дополнителни иновации и напредок на многубројни проекти вклучувајќи и завршување на грчко-македонскиот гасовод. Овој извор на природен гас ќе ја елиминира првин зависноста од Русија, како и заканите на одредени прекини во снабдување со гас. Со интерконекторот или гасоводот Македонија исто така може да гради централи, кои се со погон на гас и ќе може да ја олесни транзицијата на земјата од јаглен кон други извори“, рече амбасадорката Агелер.
Таа смета дека земјата има многу соларна енергија, голем хидропотенцијал, како и голем потенцијал за ветерници, кои може да бидат употребени при транзицијата, а САД може да помогнат во тоа не само на владата и на граѓанските организации туку и на приватниот сектор, односно на компаниите на кои им требаат партнерски инвестиции и поттик за внесување иновации, производи, технологии и индустрии што водат кон чиста енергија.
Амбасадорката Агелер во воведното обраќање на форумот го поздрави Христијан Мицкоцки нарекувајќи го иден премиер на земјата и нејзин пријател.
Вашето присуство овде дава многу важна порака за вашата лична заложба и таа на владата за да може да навигирате низ еден комплексен енергетски пејзаж во кој денес Македонија се наоѓа“, истакна амбасадорката Агелер.
Кратко по неа, говор имаше и Мицкоски. Тој рече дека при преминувањето од јаглен на други извори енергија особено ќе внимаваат на социјалниот момент, а одговори и на забелешката од амбасадорката за грчко-македонскиот гасовод. Мицкоски смета дека освен тоа што треба да се поврзат македонскиот и грчкиот гасовод, треба да се додаде и интерконектор, кој ќе ги поврзе македонскиот и српскиот гасовод, со што ќе се обезбеди поголем пристап до светскиот пазар за гас.
ПОВРЗАНИ ВЕСТИ
Карни ја поддржа идејата за средба на…
Канадскиот премиер Марк Карни во средата даде…
Ива Михаилова до новинарот Цанов: „Јави ми…
Бугарскиот јутјубер Станислав Цанов објави ново видео…
Франција потврди присуство на свои војници во…
Француски воени припадници веќе неколку месеци се…
Иран тврди дека има загинати и ранети…
Иранските сили извршиле напади со беспилотни летала…
Нови детали за акцијата на МВР и…
Еврејски бизнисмен, кој работи во голема грчка…