Акција на “Водовод” за одржување на атмосферската канализација поради најавата за дожд

Во текот на изминатите неколку дена, во согласност со состојбите на терен и најавите за дожд, екипите на ЈП Водовод и канализација – Скопје спроведоа активности за расчистување на сливниците и шахтите на сите главни и споредни улици во град Скопје, известуваат од претпријатието.

Екипите на сектор Канализација, заедно со директорот на ЈП Водовод и канализација – Скопје, Драган Илиевски, беа на терен и во текот на минатата вечер, за контрола, брза реакција и интервенција на критичните точки во градот, со цел непречена функционалност на атмосферската канализација и спречување на поплави.

ЈП Водовод и канализација – Скопје, во согласност со најавената временска прогноза и состојбите на терен ќе продолжи со спроведување на активности за подобрување на услугите за скопјани.

Share on Facebook

Tweet

Follow us

Save