Амбасадорката на САД во ОН: „Путин не се разликува од Сталин“

Како и Јосиф Сталин, Владимир Путин ја користи храната како оружје за војна, изјави американската амбасадорка во Обединетите нации Линда Томас-Гринфилд.

Шефицата на американската делегација во ОН ги спореди претседателот на Руската Федерација, Владимир Путин, и поранешниот лидер на СССР, Јосиф Сталин, коj го исценира Холодоморот во Украина, убивајќи милиони цивили.

„Овој месец е 90-годишнина од Холодомор, што значи смрт од глад“, рече Томас-Гринфилд за време на говорот на состанокот на Советот за национална безбедност на Белата куќа.

Таа нагласи дека во тоа време милиони украински жени, деца и мажи умреле поради суровата и репресивна политика на сталинистичкиот режим, поради вештачки предизвикан глад.

Ова „стана предупредување“ за тоа што би можело да се случи доколку бруталноста и тиранијата не се спречат, пренесува „Укринформ“.

„Но на Путин не му пречеше тоа, тој беше инспириран. Како и Сталин, Путин ја користи храната како оружје за војна. Како и Сталин, Путин предизвика глад и смрт во Украина“, нагласи Томас-Гринфилд.

Share on Facebook

Tweet

Follow us

Save