Арсовска: Поддржувам да можат да се сменат функционери кои не испорачуваат резултати, можеби така и пратениците нема да гласаат уставни измени

Градоначалничката на Град Скопје, Данела Арсовска вчеравечер во емисијата „Click Plus“ на ТВ21 проговори и за иницијативите за нејзина смена.

Таа вели дека да не било смешно, ќе било трагично.

– Да не беше смешно, ќе беше трагично. Прво, од луѓе што се правници и седат во собраниските клупи и прва и основан работа им е да ги познаваат законите и да го штитат поредокот, не очекував дека ќе покажат толкаво непознавање. Јас го поддржувам ова, мене ми се допаѓа секој кој не реализира да може да биде разрешен. Па еве овие парламентарците што ветуваат економски просперитет па после одат и менуваат устав, да можете одма да ги смените. Јас го поддржувам тоа, но непознавањето кај овие што го предлагаат е навистина смешно. Вие не можете да донесете Закон и да важи ретроактивно, ќе важи од денес за утре и за следни избори.

Тоа се пајтон партии и луѓе кои се кријат позади други партии и излегуваат со вакви смешни предлози, но јас поддржувам да можат да се сменат лица кои не испорачуваат резултати, вели Арсовска.

Share on Facebook

Tweet

Follow us

Save