INFOMAX.MK

Во септември 2023 година се случи неочекуван состанок на необично место.

Додека украинскиот претседател Володимир Зеленски престојуваше на ирскиот аеродром Шенон на враќање од Генералното собрание на Обединетите нации во Њујорк, тој се сретна со суданскиот лидер генерал Абдел Фатах Ал Бурхан.

Двајцата лидери разговараа за меѓународните безбедносни прашања и „заканите од нелегалните групи финансирани од Русија“.

Според Кабинетот на Зеленски, состанокот на високо ниво на аеродромот, кој често се користи за полнење гориво на трансатлантските летови, не бил „однапред закажан“.

Но, украинските специјални сили, наводно, одиграле клучна улога во неговото одржување.

Во тоа време, Судан беше погоден од судири меѓу редовната армија и паравоените формации познати како Сили за брза поддршка (РСФ).

Судирите беа директна последица на бруталната борба за превласт во рамките на военото раководство на земјата: генерал Абдел Фатах Ал Бурхан, шеф на вооружените сили и практично претседател на земјата од една страна, и неговиот поранешен заменик и лидер на РСФ, Од друга страна, генералот Мухамед Хамдан Дагало, познат и како Хемети.

Илјадници луѓе загинаа во конфликтот, милиони мораа да ги напуштат своите домови или да побегнат во други земји, а локалната економија претрпе тежок удар.

Неодамна почнаа да се појавуваат извештаи за тоа како и зошто Украина наводно ја поддржувала суданската влада за време на овие конфликти.

Според Wall Street Journal, украинските војници му помогнале на генералот Ал Бурхан да избега од главниот град Картум во август 2023 година, кога неговиот штаб бил опколен од РСФ.

Околу стотина оперативци на украинските специјални сили предводени од разузнавач познат само како „Тимур“ пристигнаа во Судан по телефонскиот разговор меѓу Ал Бурхан и Зеленски.

Според Волстрит журнал, украинската единица не само што помогнала во евакуацијата на Ал Бурхан, туку и го сменила текот на војната во Судан со испраќање беспилотни летала со „прво лице“ (FPV) и со ноќни напади врз РСФ.

Во коментар за Би-Би-Си, украинската разузнавачка служба ниту ги потврди, ниту ги демантираше извештаите за вмешаноста на Киев во војната во Судан, наведувајќи дека „врши активности во различни географски области каде што е неопходно да се заштитат украинските национални интереси“.

Што бара Вагнер во Судан?

Во февруари се појави видео на кое наводно се гледаат украински оперативци како го прегледуваат разбиеното воено возило со телото на загинат руски војник внатре.

Возилото имало ознаки на руската платеничка група Вагнер.

Foto: Xinhua / Xinhua News / Profimedia, AP Gavriil Grigorov, AP Mindaugas Kulbis, Printscreen