Објавено на:

Британија и Украина започнаа преговори за „стогодишно партнерство“

t

Британскиот министер за надворешни работи Дејвид Камерон, кој престојува во Киев, почна преговори со украинските власти за „стогодишно партнерство“ меѓу земјите, соопшти британската амбасада во Украина.

„Британскиот министер за надворешни работи ги почна преговорите со Украина за Стогодишно партнерство – сосема нов договор што ќе изгради силни врски меѓу нашите две земји низ целиот опсег на односи: од трговија, безбедност и одбрана, до наука и технологија, образование, култура, и многу повеќе“, се наведува во соопштението.

Камерон, кој вчера пристигна во Киев, денеска се сретна со украинскиот министер за надворешни работи Дмитриј Кулеба, со кого разговараше за забрзување на испораката на оружје за Киев, вклучително и системи за противвоздушна одбрана.

– Одлично е да се има Дејвид Камерон во Киев за да се фокусира на забрзување на воената помош за Украина, особено во областа на воздушната одбрана, напиша Кулеба на X.

Министрите разговараа и за чекорите за „обезбедување на можноста за користење замрзнати руски средства во интерес на Украина“.

Шефот на британската дипломатија претходно го посети Лавов, каде засади дрво.

– Сега министерот има свое дрво во Лавов, што значи добра причина повеќе пати да се врати во Украина со добри вести, напиша градоначалникот на градот Андреј Садовои на Телеграм.

ПОВРЗАНИ ВЕСТИ

Европската комисија предлага дополнителен заем од 45…

Европската комисија предложи одобрување дополнителен заем од…

Франција потврди присуство на свои војници во…

Француски воени припадници веќе неколку месеци се…

Русија тврди дека погодила товарен брод со…

Руското Министерство за одбрана соопшти дека неговите…

Зеленски: САД презентирале опција за повлекување на…

Украинскиот претседател, Володимир Зеленски, изјави дека американските…

Мерц откри кој би можеч да ја…

Пет земји би можеле да ја претставуваат…