Важно известување за возачите: На овие делници има можност за појава на одрони!

Сообраќајот на државните патишта се одвива непречено по суви коловози со зголемен интензитет на патните правци надвор од градските средини.

Поради зголемена фреквенција на возила, на ГП Табановце за влез во земјава времето на чекање е околу еден час, а на ГП Богородица за излез е околу 30 минути. На останатите премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Share on Facebook

Tweet

Follow us

Save