Варшава е многу лута на Москва, го повика рускиот амбасадор

Русија рано утринава накратко го наруши воздушниот простор на Полска – околу 40 секунди – со крстаречка ракета лансирана кон цели во западна Украина, објавија полските вооружени сили.

„Полска ќе побара објаснување од Руската Федерација во врска со новото нарушување на воздушниот простор на земјата“, изјави портпаролот на министерството Павел Вронски.

Заменик министерот за надворешни работи попладне најави дека „министерот Радослав Сикорски ќе го покани на интервју амбасадорот на Руската Федерација за информации и објаснување“. „Останатите наши потези ќе зависат од овие објаснувања и информации“, изјави Анджеј Шејна за ТВ Полсат њуз.

„Не е првпат проектил од Руската Федерација да навлезе на полска територија. Колку што знаеме, ова е трет пат“, нагласи тој.

Сличен инцидент се случи во декември кога руска ракета навлезе во полскиот воздушен простор пред да го напушти во правец на Украина по неколку минути.

Во декември 2022 година, друга руска крстосувачка ракета КХ-55, способна да носи нуклеарни боеви глави, падна врз Полска, но нејзините останки не беа пронајдени дури во април 2023 година од случаен минувач во шума во близина на Бидгошч на северот на земјата, околу 500 км од источната граница на земјата, членки на НАТО.

Во ноември 2022 година, украинска ракета падна врз полското село Пржеводов, во близина на границата со Украина, при што загинаа двајца цивили.

Падот на проектил врз полско село предизвика стравувања дека и НАТО може да биде вовлечена во конфликтот и голема ескалација на војната во Украина. Полска е заштитена со обврската за колективна одбрана на Атлантската алијанса.

Share on Facebook

Tweet

Follow us

Save