(Видео) Во Скопје се работи: Завршени се градежните работи на 13 улици кои досега не биле асфалтирани во Волково

Град Скопје на барање на жителите на Волково ги решава децениските проблеми, завршени се градежните работи на 13 улици кои досега не биле асфалтирани, со цел да се обезбедат соодветни услови во општината Ѓорче Петров.

Градежните зафати се изведуваат од градското јавно претпријатие “Улици и Патишта”, согласно програмската определба во Скопје да нема заборавени населби и да се овозможи реализација на проекти со цел рамномерен развој во урбаниот и руралниот дел на градот.

Во пет населени места во општината Ѓорче Петров се изгради нова патна инфраструктура со вкупна должина од пет километри, а овој проект е реализиран во интерес на над 30 илјади жители кои живеат и гравитираат во овој дел од општината.

https://www.facebook.com/ArsovskaDanela/videos/882499969603541

Share on Facebook

Tweet

Follow us

Save