(Видео) Тешка несреќа во Турција: се преврте туристички автобус, има загинати и повредени

Најмалку шест лица загинаа, а 25 се повредени во автобуска несреќа што се случи утрово во Турција.

Според информациите од тамошните медиуми, туристички автобус од засега непознати причини се превртел и паднал во канал во Аксарај, Турција.

На местото на настанот се испратени бројни возила на брза помош, полиција и пожарникари.

Според првичните податоци, во несреќата загинале шест лица, а 25 се повредени.

Гувернерот на Аксарај, Мехмет Али Кумбузоглу изјави дека туристичкиот автобус се движел од Балукешир кон Кападокија.

„Во оваа сообраќајна несреќа за жал загинаа шест наши граѓани. Според првите информации имаме 25 повредени лица. Покрената е истрага“, додаде Кумбузоглу.

Share on Facebook

Tweet

Follow us

Save