Генадиј Зјуганов предупредува дека е можна револуција во Русија

Ветеранот на Комунистичката партија на Русија, 81-годишниот Генадиј Зјуганов, го предупреди Парламентот дека нестабилната економија на земјата ризикува да поттикне револуција како онаа во 1917 година и дека мора итно да дејствува Владата за да го смени курсот.

Тој го даде ова предупредување на пленарна седница на Државната дума, долниот дом на Парламентот, пред парламентарните избори закажани за септември, според снимка од неговиот говор објавена на официјалната веб-страница на Думата.

„Правиме сè што можеме за да ги поддржиме Путин и неговата стратегија и политики, но вие (Владата) не слушате. Ако вие итно не донесете финансиски, економски и други мерки, до есен ќе имаме повторување на она што се случи во 1917 година. Немаме право да го повториме тоа. Ајде да донесеме некои одлуки“, изјави тој, пренесува Ројтерс.

Иако партијата на Зјуганов, втора најмоќна во Парламентот, е главниот наследник на Советската комунистичка партија, таа долго време ги поддржува рускиот претседател Владимир Путин и неговите клучни политики, со внимателно одмерени критики кон владејачката партија Единствена Русија, во рамките на строго контролираниот политички систем. Русија повеќе од 4 години војува во Украина.

Share on Facebook

Tweet

Follow us

Save