Германската инвестиција со која се фали Мицкоски е договорена минатата година во септември

t

Иако новиот премиер Христијан Мицкоски денеска гордо се пофали дека договорил нова германска инвестиција за производство на литиумски батерии, сепак оваа инвестиција е договорена од претходната влада уште во септември минатата година и се работи за компанијата BMZ.

Проектиран e годишен извоз од над 360 милиони евра, а договорот во Франкфурт го потпиша тогашниот вицепремиерза економски прашања на Северна Македонија, Фатмир Битиќи.

Вредноста на инвестицијата која ја договори Владата на СДСМ е 65 милиони евра и ќе отвори 755 нови работни места.

Директорот на Дирекцијата за технолошко-индустриски развојни зони (ДТИРЗ) Јован Деспотовски минатата година во септември истакна дека договорот за инвестирање со германската компанија вреден 65 милиони евра е потпишан само седум месеци по првиот состанок.

-Најважно е што БМЗ ќе вработи повеќе од 750 лица со плати поголеми од 1.200 евра бруто. БМЗ е и првата компанија која формално се обврзува да обезбеди конкретна поддршка за развој на вештините на младите кај нас. Ова е добар пример како граѓаните имаат конкретна корист од инвестициите, рече тогаш Јован Деспотовски во Франкфурт по потпишувањето на договорот.

BMZ е компанија која произведува батерии и имплементира батериски системи во сектори кои во услови на засилена глобална транзиција кон зелена економија добиваат се повеќе нагласена пазарна вредност и можности за успех. Тоа е синоним за технолошки напредна компанија, со високо ниво на одржливост и пазарен потенцијал што произлегува од нивните иновативни, висококвалитетни производи, кои секоја земја би сакала да биде дел од нејзината економија.

ПОВРЗАНИ ВЕСТИ

Италија ја казни „Мета“ со рекордни 805…

Италијанската Агенција за заштита на личните податоци…

42 годишна жена од Македонија загина во…

Тешка сообраќајна несреќа со двајца загинати и…

21-годишна битолчанка била давена и задушувана со…

Бети Ангеловска од Битола, мајка на 21-годишна…

Обвинителството бара 30-дневен притвор за поранешен српски…

Вишото јавно обвинителство во Белград предложило судот…

Злато за Македонија – Узеир е европски…

Македонија го освои првиот златен медал на…