Голем успех за Лина: Ѓорческа го освои првиот трофеј годинава – во двојки во Сплит!

Најдобрата македонска тенисерка Лина Ѓорческа дојде до својот 13-ти трофеј во кариерата, а прв годинава, откако во двојки попладнево со словенечката партнерка Вероника Ерјавец го освоија ИТФ-турнирот во Сплит.

Ѓорческа и Ерјавец во два сета за 63 минути, ја победија словенечко-хрватската комбинација Ника Радишиќ-Тара Вурт со 6-1, 6-4 и така македонската тенисерка дојде до прв трофеј во оваа 2023 година. Лани го освои Хераклион, а во кариерата од 2012 година наваму освои 12 трофеи на ИТФ-турнирите.

Ѓорческа и Ерјавец ги здробија противничките во првиот сет откако после почетните 1-1 веднаш направија брејк и потоа во серија освоија уште четири гема за да поведат во финалето, а во вториот сет во петтиот гем направија брејк за да поведат со 3-2, па дојдоа и до 4-2, но брзо потоа прокоцкаа сѐ за противничките да се вратат до 4-4. Сепак, со рибрејк македонско-словенечкиот дубл повторно ја врати предноста, а потоа и ја запечати победата.

Извор: sport1.mk

Share on Facebook

Tweet

Follow us

Save