ГОЛЕМ ЧОВЕК! Ѓоковиќ и пожарникар спасиле девојче од налетот на разулавените фанови

Најдобриот светски тенисер Новак Ѓоковиќ, во соработка со пожарникар, спасил девојче од можно стампедо по финалето на Мастерсот во Париз каде го совлада Бугаринот, Григор Димитров.

По мечот, Ѓоковиќ тргна да се поздрави со дел од своите навивачи, но кон него тргнале и оние од погорните редови на трибината во Берси кои буквално го загубиле паметот во обидот да го допрат тенискиот бог. Во таков налет, тие не гледале што се случува пред нив и девојчето го притиснале до оградата по што тоа почнало да вриска.

За среќа, ситуацијата ја забележал еден пожарникар кој бил на теренот и неговата експресна реакција, заедно со Ѓоковиќ, можеби му го спасило животот на девојчето. Во прегратка на Ѓоковиќ, тоа се смирило и безбедно ја напуштило арената Берси.

Share on Facebook

Tweet

Follow us

Save