Демонстрантите упаднаа во канцеларијата на премиерот: Хаосот во Шри Ланка продолжува

Демонстрантите денеска упаднаа во канцеларијата на премиерот на Шри Ланка додека претседателот побегна од земјата само неколку часа пред да поднесе оставка поради катастрофалната економска криза што предизвика сериозен недостиг на храна и гориво.

Во последниве денови, демонстрантите окупираа неколку владини згради барајќи од нивните највисоки лидери да се повлечат.

Претседателот Готабаја Раџапакса, неговата сопруга и двајца телохранители се качија на авион на воздухопловните сили на Шри Ланка, кој летал за Мале, главниот град на Малдивите.

Раџапакса се согласи да поднесе оставка под притисок. Премиерот Ранил Викремесинге изјави дека ќе се повлече откако ќе се формира нова влада. Заминувањето на претседателот уследи по повеќемесечните демонстрации кои кулминираа во саботата кога демонстрантите упаднаа во неговиот дом, канцеларија и официјалната резиденција на неговиот премиер.

Share on Facebook

Tweet

Follow us

Save