Жител на Белград сакал да купи криптовалути, лажни трговци го претепале и му украле 9.000 евра

Лажни продавачи на криптовалути, на возраст од 21 и 24 години, денеска се уапсени во Белград откако претепале човек во населбата Борча и го ограбиле, земајќи му ја чантата со 9.000 евра со кои планирал од нив да купи криптовалута, соопшти полицијата.

Двајцата млади разбојници го намамиле човекот преку апликација за продажба на криптовалути и се договориле со него да ги пречека на паркинг во Борча, каде го натепале и го ограбиле.

Полицијата набрзо го идентификувала и привела Љ.М. и М.М., кај кои нашле и дел од украдените пари.

Полицијата апелира граѓаните кои купуваат и продаваат криптовалути тоа да го прават со луѓе што ги познаваат или преку препораки во затворени простории со видеонадзор и на места каде што има поголем број луѓе.

Share on Facebook

Tweet

Follow us

Save