Започна сослушувањето на законските застапници на жртвите од Пулс

Денеска во Обвинителството во Кочани започнаа сослушувањата на законските застапници на жртвите од кочанската трагедија, соопштија од Обвинителството.

– Сослушувањата на законските застапници на сите жртви во пожарот во кочанската дискотека “Пулс” започнаа денеска и се одвиваат со предвидената динамика, во обвинителствата во Кочани, Штип и Скопје согласно распоредот кој беше утврден директно со семејствата на жртвите во соработка со организацијата “Support Kocani”. – стои во соопштението за медиумите.

Во трагедијата која се случи во Кочани на 16 март 2025 година загинаа 62 лица, а околу 200 беа повредени. Во досегашниот тек на истрагата се осомничени 45 физички и три правни лица. Дел од истрагата поврзана со полициските службеници кои се осомничени ја води Основото јавно обвинителство за гонење на организиран криминал и корупција.

Share on Facebook

Tweet

Follow us

Save