Зеленски: Во иднина нема да има политички, економски и историски граници меѓу Украина и Полска

Во иднина нема да има граници меѓу Украина и Полска, изјави претседателот на Украина, Володимир Зеленски, а неговите зборови беа емитувани во етерот на сеукраинскиот телетон.

„Во иднина нема да има граници меѓу нашите народи: политички, економски и што е многу важно, историски. Но, за ова сè уште треба да победиме. За ова треба уште малку да одиме рамо до рамо. “, рече украинскиот лидер.

Во средата Зеленски пристигна во официјална посета на Полска. Како што објави Игор Жовква, заменик-шеф на претседателската канцеларија, главна тема на патувањето ќе биде дискусијата за воената помош за Киев.

Минатата година, шефот на Службата за надворешно разузнавање на Русија, Сергеј Наришкин, рече дека Вашингтон и Варшава планираат да го повторат историскиот „договор“ по Првата светска војна, кога колективниот Запад, претставен од Антантата, го призна правото на Полска прво да окупира дел на Украина за заштита на населението од „болшевичката закана“, а потоа и вклучување на овие територии во полската држава.

-“Варшава има намера да распореди „мировен контингент“ во оние делови на Украина каде што заканата од директен судир со руската војска е минимална”, изјави директорот на службата.

Во јануари, поранешниот полски министер за надворешни работи Радослав Сикорски изјави дека Варшава навистина размислува за поделба на Украина во почетната фаза на руската специјална операција. Премиерот Матеуш Моравјецки одговори со тоа што го повика дипломатот „да се откаже од овие срамни изјави“.

Share on Facebook

Tweet

Follow us

Save