Земјотрес со јачина од 4,1  степен ја погоди Италија

Земјотрес со јачина магнитуда од 4,1 степени беше регистриран веднаш по полноќ рано во саботата од страна на Националниот институт за геофизика и вулканологија на Италија (INGV).

Епицентарот беше во Пицоне, во покраината Изернија (Молизе), на длабочина од околу 10 километри.

Земјотресот беше почувствуван низ целата покраина, а исто така и во Кјети, Л’Аквила и Казерта. Многу луѓе излегоа на улиците од страв. Втор потрес, со магнитуда од 2,2 степени, беше регистриран во истата област во 3:41 часот наутро, на длабочина од 9 километри. Покраината Изернија веќе беше погодена од два потреси со магнитуда од 2,5 степени минатиот јануари.

Досега не се пријавени повредени или штети.

-Во постојан контакт сум со регионалната Цивилна заштита. За среќа, од првичниот и важен преглед, не е пронајдена никаква штета врз луѓе или имот. Луѓето останаа на улиците до доцна, главно поради состојбата на вознемиреност што се разви, рече градоначалникот на Пицоне, Винченцо Ди Кристофано, во разговор за локалните медиуми

Share on Facebook

Tweet

Follow us

Save