„Извинете, ама Ѓоковиќ не е најголем фаворит за триумф на Вимблдон“

Неофицијалното светско тениско првенство, како што се нарекува гренслем-турнирот „Вимблдон“, почнува денеска на терените на „Ол Ингланд клубот“ каде што според најголем дел од познавачите и навивачите се очекува историски триумф на Новак Ѓоковиќ.

Српскиот ас е во низа од четири победи во Лондон, каде што десет години нема пораз на натпреварите на Централниот терен, но и покрај сето ова се уште има луѓе кои не веруваат во неговиот успех годинава. Еден од нив е и поранешниот вимблдонски победник, Германецот Михаел Штих, кој триумфира во 1991 година.

„Новак има визија да триумфира на сите четири гренслем-турнири, но извинете, ама за мене тој не е прв фаворит на ‘Вимлдон’. Мој прв фаворит е Карлос Алкараз, кој пред неколку дена го освои првиот трофеј на трева. Шпанецот има неизмерна радост во играњето, брзо учи и има способност за брзо прилагодување“, изјави Штих.

Ѓоковиќ битката за петтиот по ред триумф на турнирот во Лондон го почнува денеска, со мечот против Педро Каќин (14.30 часот).

Извор: sport1.mk

Share on Facebook

Tweet

Follow us

Save