Киев утринава повторно во мрак: Во ракетни напади уништена енергетска инфраструктура

Објект на енергетската инфраструктура во регионот на Киев е оштетен за време на ракетен напад во саботата наутро, соопшти украинската национална енергетска компанија Укренерго.
„Објектот на енергетската инфраструктура во регионот на Киев е тешко оштетен“, се вели на страницата на компанијата на социјалните мрежи.
Забележано е дека вработените веќе работат на обновување на снабдувањето со електрична енергија во регионот, Укренерго повторно апелира да се заштеди електрична енергија од 17.00 до 23.00 часот и да бидат подготвени за вонредни прекини.

Претходно во саботата, шефот на регионалната воена администрација во Киев, Олексиј Кулеба, извести за ракетен напад врз регионот.
Во понеделникот и вторникот, украинските медиуми објавија за експлозии и оштетување на критичната инфраструктура, вклучително и енергијата.

Во понеделникот, рускиот претседател Владимир Путин, на оперативен состанок со членовите на Советот за безбедност, рече дека бил извршен масовен напад со прецизно наведувано оружје врз украинските инфраструктурни објекти. Путин го нарече инцидентот на мостот на Крим терористички напад чија цел е да се уништи цивилната инфраструктура. Според него, Киев се ставил на исто ниво со најодозните терористички групи и едноставно е невозможно злосторствата на режимот во Киев да се остават без одговор.

Share on Facebook

Tweet

Follow us

Save