INFOMAX.MK

Арафат Муареми ќе биде сменет од функцијата Директор на Финансиската полиција, дознава Инфомакс неофицијално, откако за против него беше поднесена кривична пријава од страна на Државното правобранителствто поради здружување со цел отежнување на конфискацијата на имотот во случајот „Труст“ против комапнијата на Сеад Кочан „Трансмет“.

Според информациите на Инфомакс, Арафат Муареми во телефонски разговор со премиерот Димитар Ковачевски добил барање, веднаш да си поднесе неотповиклива оставка од функцијата директор на Финансовата полиција, во спортивно ако тоа не го направи ќе биде разрешен од страна на Владата која и го именува.

Арафат Муареми инаку, во случајот „Труст“ заедно со обвинителите Артан Ајро и Гаврил Бубевски овозможиле префрлање на имотот на „Трансмет“ на трети лица со цел судот да не може да го конфискува имотот. Она што останало за конфискација е имот на „ТВ Нова“ кој бил обременет со обврски еднакво високи на вредноста на имотот со што Сеад Кочан успеал да избегне конфискација.

Директорот на Финансовата полиција, инаку, беше и близок пријател со Бојан Јовановски-Боки 13, во периодот кога се случуваше рекетот на бизнисмени заедно со Катица Јанева.