INFOMAX.MK

Премиерот Димитар Ковачевски денеска на Самитот Отворен Балкан во Белград се осврна и на прашањето со застојот на границите меѓу земјите од Отворен Балкан и предложи да се укинат не само сите административни бариери туку и рампите за брз проток на стоки и патници.

-Сакам да завршам со адресирање на едно прашање кое го гледаме цело лето на границите меѓу Србија и Северна Македонија, помеѓу Северна Македонија и Албанија. Ние сме веројатно единствениот регион во светот особено во Европа кој има граници меѓу себе и јас никако не можев да разберам во минатите години кога претставници на држави кои меѓу себе немаат граници доаѓаат и ни финансираат проекти за унапредување на граничното управување и затоа сметам дека наша цел треба да биде комплетно укинување не само на административните бариери на границите меѓу Србија, Северна Македонија и Албанија туку и комплетно кревање на рампите и правење на регион којшто 100% комуницира меѓу себе по сите основи, нагласи премиерот Ковачевски.

Неговата идеја ја поддржа српскиот претседател Александар Вучиќ кој додаде:

-Му благодарам на Димитар кој добро забележал како европските земји многу вложуваат во унапредувањето на граничните премини на Балканот, а самите своите ги укинаа. Веројатно ќе успееме до тоа ниво и ние да немаме граници, рече Вучиќ.