Ковачевски и партнерите не дадоа изјава по средбата, премиерот на Фејсбук напиша дека зборувале за европската иднина

Реформите за европскиот пат и чекорите за обезбедување европска иднина на државата, како и имплементацијата на владината програма, биле дел од темите за кои премиерот Димитар Ковачевски разговарал на работната вечера во Клубот на пратеници со претседателите и други високи претставници на парламентарните партии од владејачката коалиција.

Изјави по средбата немаше, а за тоа што се разговарало, премиерот Ковачевски информираше преку седум фотографии и една реченица на „Фејсбук”:

-Во пријатна атмосфера разговаравме за активностите во претстојната 2023 година, за мерките и политиките на Владата за справување со глобалната енергетска криза, економскиот развој и енергетската транзиција, за имплементација на владината програмата, реформите за европскиот пат и чекорите за обезбедување европска иднината на државата, напиша Ковачевски.

Share on Facebook

Tweet

Follow us

Save