Кос: Албанија е остров на стабилност на Балканот

Еврокомесарката за проширување Марта Кос ја нарече Албанија остров на стабилноста на Западен Балкан и шампион на регионалната соработка, пишува Albania Post.
На заедничката прес-конференција со албанскиот премиер Еди Рама, Кос го пофали албанскиот моментум за затворање на преговорите во рокот до 2027 година и додаде дека тоа се одразува и во работата што Албанија неодамна ја направи за поглавјата од преговорите.

„Иницирањето и забрзувањето на реформите остануваат клучни“, рече Кос, издвојувајќи ги реформите во судството, за кои рече дека целосно ги поддржува.

„Реформа, која е камен-темелник за влез во ЕУ“, рече таа.

Високиот комесар на ЕУ јасно порача дека е сигурна оти реформите што ги спроведува Албанија ќе овозможат брзо да стане членка и посочи дека Европа ја сака Албанија во Европската унија.

„Со вас внатре, Европа ќе биде посилна. Моја должност е да преземам мерки Албанија да биде призната како членка на ЕУ. Значи имаме план за проширување во тој поглед. Ќе организираме кампања, поканувам што повеќе новинари да дојдат во Албанија и да видат што се случува во Албанија. Тоа ни помага да ја направиме Албанија уште попризната во земјите-членки што ќе бидат склучени во 2027 година“, додаде Кос.

Албанскиот премиер Еди Рама изјави дека е дојдено време Албанците да се преселат во ѕвездениот коридор на ЕУ, а не во „другиот“ дел.

Share on Facebook

Tweet

Follow us

Save