Кукоч: Јокиќ се уште не е подобар од Дражен или Дивац

Легендарниот кошаркар Тони Кукоч смета дека Никола Јокиќ не достигнал ниту половина од својот потенцијал.

Кукоч смета дека Јокиќ барем статистички ќе стане најдобриот Европеец кој играл во НБА, но и дека центарот од Сомбор се` уште не ги надминал кариерите на Дино Раџа, Дражен Петровиќ, Владе Дивац или Арвидас Сабонис.

Кукоч имаше клучна улога во тимот на Чикаго Булс од 1996 до 1998 година, со кој три пати беше шампион на најсилната лига во светот. Членот на Куќата на славните немаше ништо друго освен пофалби за српскиот кошаркар, кој моментално е најдобар играч во светот.

„Тој игра одлично. Го фалев Јокиќ кога сè уште никој не зборуваше за него. Ми се допаѓа неговиот стил на игра. На секој натпревар го покажува тоа. Тој размислува на поинаков начин од другите”, изјави Кукоч, пренесува „Баскетњуз“ .

„Со своето кошаркарско знаење и интелигенција, што е многу важно, тој го надополнува недостатокот на атлетизам. Тоа не можете да го видите бидејќи игра во свој ритам. Не можете да забележите дека некој е побрз или поагилен од него“.

Share on Facebook

Tweet

Follow us

Save