Лажно се претставувал како вработен во АНБ и со закани изнудил пари: Ова се деталите!
Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека ги сторил кривичните дела – Изнуда од член 258 и Лажно претставување од член 391 од Кривичниот законик.
Во период од 14.21.2023 до 05.05.2024 година, пријавениот лажно се претставувал како службено лице – вработен во Агенцијата за национална безбедност и со сериозни закани присилил едно оштетено лице да му даде пари, накит, автомобили и други добра во вкупен износ од околу 180.000 евра.
Претставувајќи се како вработен во АНБ и посредник за исплата на долг, осомничениот на оштетениот 54-годишник, управител на фирма, му вршел притисоци со закани за неговиот и животот на неговото семејство, па во повеќе наврати му земал парични средства, три автомобили, два мобилни телефони, златни прстени и друг накит.
Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот, бидејќи постојат околности кои укажуваат на опасност од бегство, можност да ја попречува кривичната постапка со влијание врз сведоците, како и веројатност да ги повтори делата. Судијата го прифати предлогот и определи притвор во траење од 30 дена.
ПОВРЗАНИ ВЕСТИ
Сопругата на Апасиев за Каевски, Димевски и…
Циркус за народ, по шаблон, крупните риби…
(Документи+видео) Нови 52,8 МИЛИОНИ денари за Стентон…
Тони Коњановски уште еднаш го позлати Стентон…
Се проверуваат можни нерегуларности во Делчево, Македонска…
„Согласно информациите добиени од јавните обвинителства низ…
МВР, ЈО и АНБ се комплетно подготвени…
Во врска со претстојните избори денеска во…
Лажно се претставувал како вработен во АНБ…
Основното јавно обвинителство Скопје донесе Наредба за…