Масовна тепачка меѓу Македонци и Албанци во Италија

Италијанските медиуми известуваат дека пред два дена избила масовна тепачка во бар надвор од областа Сан Систо, во близина на градот Перуџа, меѓу две групи иселеници од Македонија и Алабанија.

Истрагата открива дека до крвавиот инцидент не дошло поради банална причина – фотографија направена со мобилен телефон. Вербалниот конфликт во барот ескалирал за неколку минути, по што групите излегле на улица и користеле маси, столици и дрвени палки. Во тепачката учествувале и неколку романски државјани.

Според тамошните извештаи, италијанската полиција уапсила 11 лица на возраст меѓу 19 и 31 година, од кои пет имале криминални досиеја.

Инцидентот добил уште подраматичен пресврт кога двајца од учесниците, во обид да побегнат со автомобил, со голема брзина удриле 27-годишен македонски државјанин. Лицето е згрижено во болница и не е во критична здравствена состојба.

Сите приведени се префрлени во затворот „Капане“ во Перуџа и ќе се соочат со обвиненија за тешко насилство.

Share on Facebook

Tweet

Follow us

Save