Мерцедес сели дел од производството надвор од Германија: Се бараат земји со ниски трошоци за работна сила

Поради високите трошоци за производство и падот на профитот, германскиот автомобилски гигант Мерцедес сака двојно да го зголеми производството во земјите со ниски трошоци за работна сила. Моментално е 15 отсто, а за неколку години треба да се искачи на 30 отсто од вкупното производство.

„Немаме намера да ја затвориме фабриката во Германија“, вели финансискиот директор Харалд Вилхелм, за магазинот „Феникс“.
Сепак, затоа планираат да го намалат производството за 100.000 возила во следните три години. Во исто време, ќе го зголеми производството на 200.000 возила во фабриката во Кечкемет, Унгарија. Трошоците за работна сила таму се за 70 отсто помали отколку во Германија. На пример, производството на А-класа ќе биде преместено таму.
Вилхелм потврди дека „Мерцедес“ веќе го намалува бројот на работници во Германија, нудејќи им отпремнина. Сепак, тој не откри колку луѓе се откажале или биле отпуштени досега.
Инаку, добивката на „Мерцедес-Бенц“ лани падна за нешто повеќе од четвртина, а отпуштањата во оваа компанија беа во сенка на најавата за затворање на фабриките и распределбата на десетици илјади отпуштања во „Фолксваген“.

Share on Facebook

Tweet

Follow us

Save