Најголемиот број украински бегалци – 3,5 милиони се згрижени во соседна Полска

Убедливо најголемиот број украински бегалци – 3,5 милиони се згрижени во соседна Полска. Речиси 780.000 бегалци пристигнале во Германија од почетокот на руската инвазија на Украина на 24 февруари, до минатата сабота. 98 отсто од нив се по потекло од Украина, соопшти германското Министерство за внатрешни работи.

Се претпоставува дека многу од нив можеби во меѓувреме заминале во друга земја на ЕУ или се вратиле во Украина. Според УНХЦР, речиси два милиони луѓе се вратиле во Украина од почетокот на војната. Не се знае точно колку од нив се вратиле трајно, а колку од нив само повремено доаѓаат во својата земја.

Само Полска евидентирала повеќе од 1,5 милиони луѓе кои се вратиле во Украина, објави тамошната гранична служба на Твитер.

Забележано и дека бројот на луѓе кои од неодамна се враќаат во Украина, на дневна основа, е поголем од бројот на оние што ја напуштаат земјата.

Share on Facebook

Tweet

Follow us

Save